യുവാവിനെ ആക്രമിച്ച കേസിൽ രണ്ട് പേർ കൂടി അറസ്റ്റിൽ

പറവൂർ : നവമാധ്യമങ്ങളിൽ പോസ്റ്റിട്ട വിരോധത്തിൽ യുവാവിനെ ആക്രമിച്ച കേസിൽ രണ്ടുപേർകൂടി അറസ്റ്റിലായി. എടവനക്കാട് തയ്യിൽ വീട്ടിൽ സുബൈർ(43), പള്ളിപ്പുറം പുതുക്കാട്ട്പറ മ്പിൽ റിയാസ് (30) എന്നിവരെയാണ് പറവൂർ പോലീസ് അറസ്റ്റ് ചെയ്തത്. എടവനക്കാട് പുളിയത്ത് സുൽഫിക്കർ, മായാബസാർ തൈപ്പറമ്പ് വീട്ടിൽ അയൂബ്എന്നിവരെ നേരത്തെ അറസ്റ്റ്ചെയ്തിരുന്നു.പോസ്റ്റിട്ടതിൻറ പേരിൽ പ്രമോദ് എന്ന യുവാവിന് നേരെ ജനവരി 25ന് പുല്ലങ്കുളം എസ്.എൻ. സ്കൂളിന് സമീപം വച്ചാണ് ആക്രമണമുണ്ടായത്. സംഭവശേഷം പ്രതികൾ ഒളിവിലായിരുന്നു. ജില്ലാ പോലീസ് മേധാവി കെ. കാർത്തിക്കിൻറ നേതൃത്വത്തിൽ പ്രത്യേക സംഘം രൂപീകരിച്ച് അന്വേഷണം നടന്നുവരുന്നതിനിടയിലാണ് പ്രതികൾ പിടിയിലാകുന്നത്.ഡി.വൈ.എസ്.പി. എം.ആർ.മധു ബാബു, ഇൻസ്പെക്ടർമാരായ ഷോജോ വർഗീസ്, സിൽവസ്റ്റർ, എസ്.ഐ.മാരായ അരുൺദേവ്, അരുൺ തോമസ്, ജയകുമാർ, ജോൺസൺ തുടങ്ങിയവരാണ് അന്വേഷണ സംഘത്തിലുള്ളത്.സംഭവത്തെക്കുറിച്ച് വിശദമായി അന്വേഷണം നടത്തിവരികയാണെന്ന് എസ്.പി. കെ. കാർത്തിക് പറഞ്ഞു.

- അജിതാ ജയ്ഷോർ